García Cal, Ramón

Traballador da niquelaxe e labrego, 22 anos. Solteiro. Veciño da Pontenova (Lugo). Nado en Cuba de pais emigrantes de Meira (Lugo).

Encarcerado.

Ingresado na Prisión Provincial de Lugo o día 28/07/1936.

Xulgado en consello de guerra en Lugo o día 31/07/1936 polo delito de rebelión militar, na causa 228/36, co resultado de sentenza a cadea perpetua segundo resolución do día 14/12/1936. Neste proceso acumuláronse a causa 195/36 e a causa 196/36.

Condenaron á pena de morte a: Alberto Cardero Marión, Jesús Cigarrán Campos, Jesús Longarela Maciñeira, Jesús Muruais Gasalla, Ángel Pérez Gándaras, Julio Riera Álvarez e José-María Torviso Bermúdez. Castigaron coa cadea perpetua a: Longinos Álvarez Vijande, Francisco Bouza Fernández, Eliseo Fernández Méndez, Ramón García Cal, Jaime García Pérez, José-Antonio Lombardero Cabodevila, Salustiano López Ramallal, Clemente Murias, Ramiro Núñez Rodríguez, Alfonso Quintana Martínez, José-Antonio Rancaño Núñez, Marcelino Rancaño Veiga, Ricardo Rodríguez Mon, José Saa Sánchez e Vicente Villares Castro. A Manuel Novo López condenárono a 15 anos de cadea. Exculparon a:: Eduardo de Benito Lázaro e Víctor Ramallal Rodríguez.

Pena ordinaria conmutada pola Comisión Provincial de Exame de Penas de Lugo e concédeselle a prisión atenuada o día 23/08/1940. Pena extinguida o 25/07/1942.

Volven a internalo na Prisión Provincial de Lugo o 15/02/1946 e, o seguinte día 27, trasladárono á Prisión Provincial da Coruña.

Xulgado en consello de guerra no Tribunal Militar Territorial da Coruña o día 17/07/1946 polo delito de rebelión militar, na causa 75/46, co resultado de sentenza a seis meses e un día de cadea. Nesta causa procesaron a 64 persoas.

Excarcerado no ano 1947, sae da cadea pola súa delicada saúde e finou en 1948 aos 34 anos.