Pérez Gándaras, Ángel

Farmacéutico e político, 32 anos. Solteiro. Veciño de San Vicente de Vilameá, A Pontenova (Lugo). Irmán de Domingo-Antonio Pérez Gándaras, médico e procesado. Farmacéutico na Pontenova.

Executado.

Cando se produce o alzamento militar formou parte do Comité de Defensa da República da Fronte Popular (FP) en Vilameá e Vilaoudriz. Prendérono os golpistas.

Ingresárono na Prisión Provincial de Lugo o día 31/07/1936.

Xulgado en consello de guerra en Lugo o día 04/12/1936 polo delito de rebelión militar, na causa 228/36, co resultado de sentenza á pena de morte segundo resolución do día 14/12/1936.

Neste xuízo condenaron á pena de morte a: Alberto Cardero Marión, Jesús Cigarrán Campos, Jesús Longarela Maciñeira, Jesús Muruais Gasalla, Ángel Pérez Gándaras, Julio Riera Álvarez e José-María Torviso Bermúdez. Castigaron coa cadea perpetua a: Longinos Álvarez Vijande, Francisco Bouza Fernández, Eliseo Fernández Méndez, Ramón García Cal, Jaime García Pérez, José-Antonio Lombardero Cabodevila, Salustiano López Ramallal, Clemente Murias, Ramiro Núñez Rodríguez, Alfonso Quintana Martínez, José-Antonio Rancaño Núñez, Marcelino Rancaño Veiga, Ricardo Rodríguez Mon, José Saa Sánchez e Vicente Villares Castro. A Manuel Novo López condenárono a 15 anos de cadea. Absolveron a: Eduardo de Benito Lázaro e Víctor Ramallal Rodríguez.

Fusilárono os golpistas en Lugo.

Procesárono por responsabilidades políticas.