González Peña, Ramón

Mineiro, sindicalista e político, 48 anos. Desenvolveuse como mineiro e logo pasouse á política.

Secretario xeral da Federación Nacional de Mineiros e membro da UXT. Na II República elixírono deputado polo PSOE na circunscrición de Huelva, onde era gobernador civil. Volveu ao Principado de Asturias, acadando a alcaldía de Mieres e a presidencia da Deputación Provincial de Oviedo.

Máximo dirixente da folga xeral revolucionaria de outubro de 1934 no Principado de Asturias, condenárono á pena de morte, conmutada pola de cadea perpetua. Puxérono en liberdade despois do triunfo da Fronte Popular (FP) e novamente elixido deputado nacional.

Exiliado.

Durante a guerra civil acadou a presidencia do PSOE e da UXT. Ministro de Xustiza no segundo Goberno de Juan Negrín López. Tivo como escolta ao ourensán Benito García Covelo, tamén exiliado en México.

Ao remate do conflito nacional pasou a Francia e foi vogal do Servizo de Evacuación de Refuxiados Españois (SERE). No mes de xuño de 1940 exiliouse en México, a onde chegou no vapor Cuba.

Volveu a Francia no ano 1946 para traballar na reconstrución das organizacións socialistas españolas. No ano 1950 regresou de xeito definitivo a México.