Orjales Bouza, Manuel

Xornaleiro, 30 anos. Veciño de Labarada, Cerdido. Traballador da industria naval.

Executado.

Formou nun grupo de fuxidos na zona da Capelada, entre Cerdido e Cariño.

Neste grupo estaban: José Rey Díaz, Torradas, morto en marzo de 1938; Nicasio Pérez Senra e José López Teijeiro, abatidos tamén en marzo de 1938; Manuel Orjales Bouza, Labrada, e Andrés Brañas Rodríguez, Carrizo, detidos en decembro de 1938 e condenados á pena de morte, e Manuel Santalla Orjales, detido en marzo de 1939. A súa única pretensión era a supervivencia.

Xulgado en consello de guerra en Ferrol polo delito de rebelión militar e roubo a man armada, na causa 23/37, co resultado de sentenza á pena de morte.

No sinalado procedemento condenaron á pena de morte a: Manuel Orjales Bouza e Manuel Santalla Orjales; pasearon a José Ambrós Gordillo; declararon fuxido a José Rey Díaz e ditaron sentenza de sobresemento para Manuel Rey Díaz.

Xulgado en consello de guerra en Ferrol, na causa 432/38, por roubo e asasinato de tres homes.

Neste procedemento tamén condenaron a Manuel Santalla Orjales.

Detivérono con Andrés Brañas, Carrizo, o 03/12/1938 en Cerdido.

Xulgado no Cuartel de Zapadores en Ferrol o día 11/12/1938 polo delito de rebelión militar, na causa 887/3, co resultado de sentenza á pena de morte o seguinte día 21.

No dito xuízo tamén condenaron á pena de morte a Andrés Brañas Rodríguez.

Fusilado ás 17:00 h no Castelo de San Felipe, en Ferrol.

Soterráronos no cemiterio de San Salvador de Serantes, en Ferrol.