Rivera Rodríguez, José

Tiña uns 36 anos. Veciño de Pontedeume.

Xefe local de Falanxe na súa localidade, da Vella Garda.

Represor. Axustizado.

Participou desde o primeiro momento nas labores auxiliares de "limpeza, pacificación e control", que desenvolveron os militares, a Garda Civil e os milicianos falanxistas. O Lugués adicouse á caza de fuxidos neses primeiros tempos e participou no paseo de republicanos e esquerdistas.

Estes milicianos adicábanse a deter nos pobos aos "sospeitosos", servíndose en moitos caos de menores uniformados ("balillas" ou "frechas") aos que lles daban armas, polo que resultaba moi perigoso atoparse con eles.

O día 17/05/1937 participou, cos gardas civís Antonio Vilar Boado e Francisco Lasén Colina e co tamén falanxista José-María Varela Garabana, na detención de Luis Nodar Castro, concelleiro que fora en Pontedeume polo PSOE e membro do Comité de Defensa da República; Luis sería executado no Castelo de San Felipe, en Ferrol, o día 09/07/1937.

En novembro de 1944 axustizouno a guerrilla antifranquista en Campolongo; no tiroteo que rematou coa súa vida participaron Manuel Piñeiro Antón, Manolo do Menor, e Jesús López Ardao, o de Someiro.

Os medios de comunicación informaron que morrera en "acto de servicio".

Luis Lamela manifesta que se chamaba José Rodríguez Rivera.