Rodríguez González, José

Mariñeiro, 45 anos. Casado con Clementina Freire Mosquera (de 43 anos); tiñan catro fillos e unha filla: Rogelio, Manuel, José, Melitón e África. Veciños da Porta da Vila, en Baiona.

Paseado.

Morte rexistrada no quilómetro 58 da estrada de Pontevedra-Camposancos, na coñecida como "A volta dos nove".

Nove persoas do Val Miñor finaron fusiladas este día por un grupo de falanxistas e gardas civís, que mandaba o cabo Sebastián Pena. Asasinábanos na represalia pola morte o día anterior do falanxista de Sabarís, Luis Refojo Mariño, represor e asasino, quen morrera nun enfrontamento no propio Sabarís contra os irmáns José López Luis e Luis López Luis, tamén mortos.

Os executados foron: Manuel Aballe Domínguez, mariñeiro; Manuel Barbosa Durán, mariñeiro; Modesto Fernández Rodríguez, mariñeiro; Elías-Alejandro Gonda Alonso, labrego; Fidel Leyenda Rodríguez, mariñeiro; Manuel-Francisco Lijó Pérez, mariñeiro; Felicísimo-Antonio Pérez Pérez, mariñeiro; José Rodríguez González, mariñeiro, e Generoso Valverde Iglesias, mariñeiro.

Morte rexistrada ás 03:00 h en Barredo por mor dunha hemorraxia cerebral.

Soterráronos aos nove nunha fosa común no cemiterio municipal de Santa María de Baiona.