Rodríguez Sangiao, José

Ferreiro, chapista e político, 38 anos. Casado con Carmen Vila Barros; tiveron cinco fillos. Veciños da Estrada. Despois de traballar na Coruña, Ferrol e Betanzos abriu un taller de carrocerías para automóbiles no ano 1929 na Costa, A Estrada, con José Campañó.

Presidente da Sociedade Labrega de Guimarei e do Comité Executivo da Federación de Labregos.

Militante do PCE. Concelleiro e 5º tenente de alcalde da Estrada despois das eleccións de febreiro de 1936, concelleiro de Instrución Pública.

Executado.

No primeiro momento do golpe era partidario de non enfrontarse aos sublevados e participou na recollida de armas para entregalas no cuartel d Garda Civil. Prendérono os sediciosos.

Xulgado en consello de guerra en Pontevedra polo delito de rebelión militar co resultado de sentenza á pena de morte.

Neste proceso xulgaron a: Ramón Fernández Rico, carpinteiro; Manuel Nogueira González, carpinteiro; José-María Pena López, industrial; Jesús-Ignacio Puente Fontanes, xastre; José Rodríguez Sangiao, ferreiro e chapista, e Cándido Tafalla Froiz, industrial. Fusiláronos aos seis en Pontevedra.

Ingresado na Colonia Penitenciaria da Illa de San Simón, Redondela (Pontevedra).

Fusilárono os franquistas ás 06:00 h en Pontevedra, no quilómetro 1 da Avenida de Bos Aires.

Morte rexistrada en Pontevedra a causa dunha hemorraxia interna.