Rodríguez Vázquez, Cipriano

Labrego, 22 anos. Solteiro. Veciño de Sober.

Fuxido. Encarcerado.

Despois do golpe militar fuxiu.

Xulgado en consello de guerra co resultado de ser declarado fuxido e en rebeldía.

Capturado polos franquistas.

Ingresado no cárcere de Monforte de Lemos (Lugo) o día 10/03/1937 e trasladado á Prisión Provincial de Lugo.

Xulgado en consello de guerra en Lugo polo delito de auxilio á rebelión e rebelión militar, na causa 602/36, co resultado de sentenza a cadea perpetua. Proceso contra varios veciños de Sober.

O auto resolutorio deste procedemento condenou á pena de morte a Pedro González Castro. Castigaron coa pena de cadea perpetua a: Benjamín Arias Fernández, Castor Bouza Vázquez, Tomás Conde Pazos, José Díaz Piñeiro, Dionisio González Fernández, Francisco Pastor Fernández, Antonio Rodríguez González, Julio Rodríguez González, Andrés Rodríguez Rodríguez, Antonio Rodríguez Rodríguez, Daniel Rodríguez Varela, Cipriano Rodríguez Vázquez, José Rodríguez Vázquez, Gumersindo Trigo Álvarez e Rogelio Vázquez Varela. Condenaron a 20 anos de cadea a Andrés Rivas Fernández; a 15 anos a: Víctor Fernández Vázquez e Antonio-María Mantilla González; 12 anos de cadea para: José Fernández Carballo e Antonio Rodríguez González. Ditouse auto de sobresemento provisorio para Enrique Fernández Guitián e de absolución para: Tomás de la Fuente Pérez, Lorenzo López García, Secundino Pérez Vázquez e Jacinto Rodríguez Andreu. A mesma sentenza declarou fuxidos a: Orencio Fernández López, Antonio Gallego Teimoy e Antonio Pérez González.

Pena ordinaria conmutada pola comisión de exame de penas de Lugo e concédeselle a prisión atenuada o día 01/06/1941.

Interno na Prisión Provincial de Lugo, publicaron a súa liberdade condicional no BOE nº 156 do día 05/06/1941.

Procesárono no Tribunal Rexional de Responsabilidades Políticas da Coruña e indultárono no ano 1961.