Mantilla González, Antonio-María

Labrego, 20 anos. Solteiro. Veciño de Rosende. Irmán de Domingo Mantilla González, encarcerado e morto na cadea e de Manuel Mantilla González, encarcerado; fillo de José-Benito Mantilla González, fuxido e paseado.

Encarcerado. Exiliado.

Ingresado no cárcere de Monforte de Lemos (Lugo) o día 05/08/1936 e trasladado á Prisión Provincial de Lugo.

Xulgado en consello de guerra en Lugo polo delito de auxilio á rebelión, na causa 602/36, co resultado de sentenza a 15 anos de prisión. Proceso contra varios veciños de Sober.

O auto resolutorio deste proceso condenou á pena de morte a Pedro González Castro. Castigaron coa pena de cadea perpetua a: Benjamín Arias Fernández, Castor Bouza Vázquez, Tomás Conde Pazos, José Díaz Piñeiro, Dionisio González Fernández, Francisco Pastor Fernández, Antonio Rodríguez González, Julio Rodríguez González, Andrés Rodríguez Rodríguez, Antonio Rodríguez Rodríguez, Daniel Rodríguez Varela, Cipriano Rodríguez Vázquez, José Rodríguez Vázquez, Gumersindo Trigo Álvarez e Rogelio Vázquez Varela. Condenaron a 20 anos de cadea a Andrés Rivas Fernández; a 15 anos a Víctor Fernández Vázquez e a Antonio-María Mantilla González; 12 anos de cadea para: José Fernández Carballo e Antonio Rodríguez González. Ditouse auto de sobresemento provisorio para Enrique Fernández Guitián e de absolución para: Tomás de la Fuente Pérez, Lorenzo López García, Secundino Pérez Vázquez e Jacinto Rodríguez Andreu. A mesma sentenza declarou fuxidos a: Orencio Fernández López, Antonio Gallego Teimoy e Antonio Pérez González.

Concédeselle a prisión atenuada o día 28/07/1940.

Despois de saír do cárcere emigrou a Venezuela.