Sánchez Rodríguez, Felipe

Militar, 51 anos. Veciño de Vigo. En xuño de 1926 acadou o grao de comandante do Corpo de Infantería. No ano 1936 tiña o destino no 29º Rexemento Mérida, na cidade viguesa.

Golpista.

Comandante militar da praza de Vigo cando se produce o golpe de Estado, o día 19 de xullo chamou ao alcalde Emilio Martínez Garrido, preocupado porque se ía declarar a folga xeral.

Despois de producirse o movemento rebelde recibe ordes da VIII División Orgánica para que declare, o día 20 de xullo, o estado de guerra e deu ordes ao oficial de Artillería Antonio Carreró Vergés, para que dera coñecemento de tal situación; produciuse unha matanza de civís cando se tenta ler o dito bando na Porta do Sol.

O axente de comercio Manuel Lence González morre por un disparo dun soldado e os concentrados tentan desarmar ás forzas militares; Cerveró ordenou abrir fogo cun resultado de 14 mortes e medio cento de feridos.

Os actos destes enfrontamentos nas rúas de Vigo abranguen do 18 ao 28 de xullo e coñécense como a Batalla de Vigo; Cerveró Vergés dispoñía de 750 homes, entre militares, gardas civís e gardas de asalto.

As testemuñas sinalan que nos enfrontamentos houbo uns 50 mortos e centos de feridos e presos.

Felipe Sánchez tivo a dubidosa “honra” de asinar un bo número de sentenzas á pena de morte de moitas persoas das esquerdas.

Recoñecérono en Vigo con un feixe de honores por mor da sua actuación nos sucesos que ocorreron durante o alzamento “por su inteligencia y valerosa actuación cuando la ola roja amenazaba a la ciudad”, entre eles o de fillo adoptivo, entrega da medalla de platino desta cidade...