Taboada Silva, Adolfo

Labrego, 26 anos. Veciño de Botos.

Militante do PSOE e da UXT.

Encarcerado.

Os franquistas encarcerárono en setembro de 1936.

Xulgado en consello de guerra en Pontevedra polo delito de auxilio á rebelión, na causa 559/36, co resultado de sentenza a 15 anos de reclusión menor.

Ingresado na Colonia Penitenciaria da Illa de San Simón, Redondela (Pontevedra), cadea na que permanecía en xuño de 1940.

Pena ordinaria conmutada con posterioridade na comisión de exame de penas de Pontevedra pola de tres anos de prisión menor.

Interno na Prisión Central de Astorga (León), publicaron a súa liberdade condicional provisoria no BOE nº 107 do día 17/04/1942.

Procesárono no Tribunal Rexional de Responsabilidades Políticas da Coruña e indultárono no ano 1941.

Xulgado no Tribunal Militar Territorial da Coruña nun consello de guerra, en marzo de 1949, polo delito de “auxilio a malhechores”, na causa 296/48. Nesta causa había outros 45 procesados.

O tribunal militar, neste caso, condenou a cadea perpetua a Julio Bazarra Constenla e a un ano de cadea a Francisco-Manuel Blanco Barreira.

Para ver ás persoas encausadas neste procemento dirixirse á ficha de Jaime Agra Blanco.