Vázquez Hermida, María del Carmen

Casada co avogado e diplomático Salvador Etcheverría Brañas; tiveron sete fillas e tres fillos: Carmen, Salvador, Margarita, Lourdes, Germán, Esther, Encarna, María-Josefa, Carlos e Marisa. Veciños da Avenida de Rubine, 45-1º, na Coruña.

O seu home, no ano 1924, comezou a súa andadura política coa oposición á ditadura de Miguel Primo de Rivera Orbaneja. Traballou pola instauración da República ata 1930. Foi un dos fundadores da Organización Republicana Galega Autónoma (ORGA); despois incorporouse ao Partido Republicano Radical Socialista (PRRS), fundando o Comité Local de Abegondo (A Coruña), os provinciais e o rexional. De 1932 a 1933 desenvolveuse como gobernador civil de León. Ao escindirse o PRRS, sería un dos creadores de Unión Republicana (UR).

Vítima colateral.

Despois do golpe de militar Salvador estivo en arresto domiciliario e sancionárono cunha multa de 5000 pesetas; en agosto de 1936 pasou a Portugal, de onde marchou a Cuba. En América desenvolve moitos cargos diplomáticos ao servizo da República, entre outros, o ministerio de Información, Propaganda e Arquivos do Goberno republicano no exilio. Finou en París por mor dunha parada cardíaca.