Aldegunde Dorrego, Alejo

Militar. Mariño da Armada, auxiliar 2º naval do acoirazado Jaime I.

Encarcerado.

Cando se produce o golpe dos militares rebeldes o auxiliar 2º naval Antonio Antúnez Aguilar, co resto da mariñeiría, fíxose co control do acoirazado Jaime I na mañá do día 20 de xullo de 1936, fronte as costas de Portugal; entre outras persoas leais á República contou coa axuda dos auxiliares navais de 2ª Juan Muíños Clavijo, que se fai cargo da derrota do acoirazado cara Tánxer (Marrocos), e de Alejo Aldegunde Dorrego. Antonio Antúnez preside o comité do barco cos cabos electricistas Rogelio Souto Martínez e Fernando Alonso Alonso, cos cabos de artillería Julio Arias Rico e José González Padín e o 3º maquinista José Caneiro Pernas, o fogueiro preferente César Verdeal López e o mariñeiro de 2ª Carlos Romero Rebón.

Na guerra civil loitou na Armada republicana.

Prendérono os rebeldes e estivo interno na Prisión de Cartagena (Murcia).

Morreu no afundimento do Submarino C-4 cando realizaban prácticas nas proximidades da Base Naval do Puerto de Sóller, en Mallorca, no ano 1946, despois de que, involuntariamente, o investira o destrutor Lepanto. Tiña entón o emprego de contramestre maior.