Álvarez González, Demetrio

Ferrador, 26 anos. Veciño de Maceda. O seu pai era o veterinario e ferrador Demetrio Álvarez, alcalde de Maceda entre 1913 e 1919. A súa nai, Felisa, era mestra en Santiago de Zorelle, Maceda. Irmán de Benigno Álvarez González, fuxido e morto no monte, de Antonio Álvarez González e de José Álvarez González aos que, despois de fuxir a Portugal, paseáronos en Tui (Pontevedra).

Executado.

Xulgado en consello de guerra en Ourense polo delito de rebelión militar, na causa 1326/36, co resultado de sentenza á pena de morte.

Este auto condenou á pena de morte a: Demetrio Álvarez González, Andrés Gálvez López, Fernando Garrido Fontenla, Juan-Manuel Garrido Touriño, Ricardo Lemos González, Serafín Pousa Prol, Arturo Salgado Villar, Manuel Senra Salgado, Antonio Souto Nieto e Modesto Vidal Fernández; penas de cadea perpetua para: Guillermo Pérez Conde, Constantino Taboada Garrido e Baltasar Vázquez Fernández; auto de absolución para: Elisardo Leal Gómez e Abelardo Sampayo Durán; seis anos de cadea para Enriqueta Iglesias Meana; declararon fuxidos a: Benigno Álvarez González, Francisco García García, Julio González Losada e José Robles Caneiro. Tamén procesaron a Arturo Salgado Villar.

Fusilado no Campo de Aragón do Cuartel de San Francisco, en Ourense.