Díaz Rosado, Leonardo

Propietario, 58 anos. Casado e con fillos. Veciños de Pontedeume. Tiña unha farmacia en propiedade en Pontedeume (a botica de abaixo, ou a botica dos pobres). Mantiña un enfrontamento cos Prego, que tiñan outra farmacia e máis poder, a botica de arriba.

De ideas progresistas e sen afiliación política coñecida, na súa botica xuntábanse persoas das esquerdas.

Paseado. Sancionado.

Detido despois do golpe militar acusado de “organizar la revolución comunista así como apoderarse de armas y explosivos”. Cando o ingresaron na cadea en Pontedeume moita xente influente pediu que o deixaran en liberdade, pero os Prego eran máis fortes e a Garda Civil mantívoo na cadea.

Morte rexistrada a causa de feridas de bala por fusilamento.

O seu cadáver apareceu en Caamouco, onde o soterraron nunha fosa común.

Asasinado con outros sete homes polos falanxistas.

Fusilaron ás 05:00 h a: Leonardo Díaz Rosado, farmacéutico; José-Ramón Fernández Barral, mestre; Segundo Martín Martín, factor do ferrocarril; Pablo Rico Couceiro, propietario; Juan Pico González, labrego; Santiago Rodeiro Rodríguez, mariñeiro; José-María Varela Salido, ferreiro, e Ramiro Vázquez Salido, reloxeiro. Todos eles acusados de tenencia ilícita de armas e uso de explosivos.

Nestes paseos involucrouse o miliciano falanxista de Redes (Ares), Antonio López Deus, o Penón, quen remataría axustizado pola guerrilla antifranquista.

Ábreselle un expediente no Tribunal Rexional de Responsabilidades Políticas da Coruña co resultado de imposición dunha multa de 750 pesetas á que debía que facer fronte a súa viúva; indultárono no ano 1941.

Os descendentes viviron unhas duras circunstancias durante o franquismo e farmacia sofre crise cando os falanxistas se poñían diante dela para que os clientes non entraran.