Froufe Espinazo, Hipólito-Jesús

Empresario e labrego, 57 anos. Casado con Isabel Carlos Núñez; tiñan sete fillos e tres fillas. Veciños da rúa Matadero Viejo, 2, Salamanca. Dous dos seus fillos foron asasinados polos fascistas e a outro condenárono a cadea perpetua.

Paseado.

Os franquistas acusábano de actividades contrabandistas de billetes do Banco de España entre Salamanca e Portugal.

Desapareceu de Santander (Cantabria) despois da toma da cidade polos sublevados en 1937. Semella que viaxaba no Genoveva Fierro, prendérono os rebeldes e trasladárono a Ferrol.

Morte rexistrada en Ferrol a mans da forza pública franquista despois dunha saca da cadea na que o tiñan retido.

Soterrárono nunha fosa común no cemiterio de Canido, en Ferrol.

O barco mercante Genoveva Fierro facía a travesía de Santander (Cantabria) a Valencia con 200 pasaxeiros; tamén transportaba munición para o exército republicano. Ao mercante abordouno o destrutor franquista Velasco o día 03/09/1936 e conducírono ao porto de Ferrol.

Aos pasaxeiros deste mercante Jaime Bosch, Bautista Folch, Hipólito-Jesús  Froufe Espinazo e Esteban Mayorga enxuizáronos en Ferrol, condenáronos a morte, executáronos o día 12/09/1936 e soterráronos no cemiterio de Canido, en Ferrol.

Tamén xulgaron en Ferrol varios membros da tripulación por adhesión á rebelión co resultado de sentenza á pena de morte e executados no Arsenal de Ferrol.

O día 5 de febreiro executaron a: Enrique Callealta Gutiérrez, mariñeiro, Nemesio Fernández Garaño, mordomo, e Eloy Gutiérrez Noriega, radiotelegrafista.

Neste procedemento absolveron e puxeron en liberdade a: José-Antonio Méndez Santamarina, mariñeiro, e Julián Zulueta Iturregui, 1º oficial.