Garrido Lago, Claudio

Funcionario, 31 anos. Casado; tiñan un fillo. Veciños de Sarria (Lugo). Garda municipal.

Encarcerado.

Ingresado na Prisión Provincial de Lugo o día 20/07/1936.

Xulgado en consello de guerra en Lugo polo delito de rebelión, na causa 214/36; descoñécese a súa sentenza. Proceso que se desenvolveu contra varios veciños de Sarria.

O auto condenou á pena de morte a Vicente Páramo Losada; pena de cadea perpetua para: Emilio Golás Rodríguez e Julio Páramo Sánchez. Descoñécese a sentenza de Claudio Garrido Lago.

Xulgado en consello de guerra en Lugo polo delito de traizón, na causa 784/36, co resultado de sentenza a cadea perpetua segundo resolución do día 17/09/1936. Procesaron neste acto a veciños de Láncara, Monforte de Lemos, Sarria e Sober, todas na provincia de Lugo.

Neste xuízo as autoridades franquistas condenaron á pena de morte a: Juan-Manuel Domínguez López, Manuel-Benigno Lago Díaz, Gerardo López Castaño, Ricardo López López, Ricardo López Somoza e José Pombo Aguirre. Castigaron a cadea perpetua a: Juan Armesto Álvarez, Daniel Canel González, Claudio Garrido Lago, José López Arias, Eloy López Cano, Rogelio López Cao, Avelino López Pérez, Francisco López Vila, Emilio Marcos Díaz, José Nodar Pena, José Quiroga Pérez, Matías Rodríguez Varela, Antonio Sánchez Canalejo, Juan Santín Sánchez e Daniel Seijo López. Tamén castigaron a 20 anos de prisión a Luis Pérez Alonso.

Trasladado á Prisión Provincial da Coruña o 20/03/1937.

Pena ordinaria conmutada pola comisión de exame de penas de Lugo.