Pena López, José-María

Industrial e político, 57 anos. Casado. Veciños da Estrada. Representante da axencia de Ford, empregado e ao cuidado dun surtidor de gasolina da Compañía Arrendataria del Monopolio de Petróleos (CAMPSA), propietario dun garaxe e da fábrica de lixivias e bebidas El Águila Estradense desde 1927. Irmán do mestre Sebastián Pena López, depurado.

No ano 1936 elixírono presidente da Fronte Popular (FP) na Estrada.

Executado. Sancionado.

Prendérono despois do golpe de Estado.

Xulgado en consello de guerra en Pontevedra polo delito de auxilio á rebelión co resultado de sentenza á pena de morte.

Neste proceso xulgaron a: Ramón Fernández Rico, carpinteiro; Manuel Nogueira González, carpinteiro; José-María Pena López, industrial; Jesús-Ignacio Puente Fontanes, xastre; José Rodríguez Sangiao, ferreiro e chapista, e Cándido Tafalla Froiz, industrial. Fusiláronos aos seis en Pontevedra.

Ingresado na Colonia Penitenciaria da Illa de San Simón, Redondela (Pontevedra).

Fusilárono os golpistas ás 06:00 h en Pontevedra, no quilómetro 1 da Avenida de Bos Aires coas outras cinco persoas que xulgaron con el e veciñas tamén da Estrada.

Morte rexistrada en Pontevedra por mor dunha hemorraxia interna.

En xaneiro de 1938 a Comisión de Incautación de Bens de Pontevedra abriulle un expediente e comisáronlle todos os seus bens.