Abelenda Catoira, Manuel

Mecánico, 26 anos. Solteiro. Veciño da rúa Tren, 1 baixo, na Coruña.

Militante das Xuventudes Socialistas Unificadas (XSU) e do PSOE. No ano 1930 era membro do Sindicato da Industria da Alimentación da Coruña, da CNT.

Implicado en enfrontamentos físicos cos falanxistas. Acusárono, con outros, do intento de incendio do convento-residencia dos PP Redentoristas, na rúa Marqués de Amboage, na Coruña, en marzo de 1936.

Paseado.

Asasinárono na curva de Canabal, en Rutis, no quilómetro 8 da estrada A Coruña-Santiago de Compostela.

Morte rexistrada a causa dunha hemorraxia menínxea.

O seu cadáver apareceu en Rutis e soterrárono no cemiterio desta localidade.

Segundo auto do Tribunal de Urxencia da Audiencia Provincial da Coruña «en la mañana del 23 de septiembre último en los hectómetros 5 y 6 del kilómetro 7 de la carretera de Coruña a Santiago [Culleredo], fueron hallados los cadáveres de Juan Otero López, Manuel Abelenda Catoira y Fernando Pombo Segade, muertos a consecuencia de disparos de arma de fuego, ignorándose quién o quiénes los hicieron».