Pombo Segade, Fernando

Xornaleiro, 20 anos. Solteiro. Veciño da rúa Silva de Arriba, 34, na Coruña.

Militante das Xuventudes Libertarias (XXLL) e da Federación Anarquista Ibérica (FAI), dentro do grupo anarquista Nervio. Socio do Centro de Estudos Sociais Germinal.

Paseado.

Nos momentos do alzamento rebelde loitou na Coruña nun grupo con Antonio Fournerakis.

Morte rexistrada a causa dunha hemorraxia menínxea a causa de disparos de arma de fogo.

O seu cadáver apareceu na estrada A Coruña-Santiago de Compostela, na curva de Canabal, en Rutis, co doutras dúas persoas.

Soterrárono nunha fosa común no cemiterio de Rutis.

Por mor do pasamento violento das ditas tres persoas abriuse a causa 488/36 na Audiencia Provincial da Coruña.

Segundo auto do Tribunal de Urxencia da Audiencia Provincial da Coruña «en la mañana del 23 de septiembre último en los hectómetros 5 y 6 del kilómetro 7 de la carretera de Coruña a Santiago [Culleredo], fueron hallados los cadáveres de Juan Otero López, Manuel Abelenda Catoira y Fernando Pombo Segade, muertos a consecuencia de disparos de arma de fuego, ignorándose quién o quiénes los hicieron».