Bouza, Emilio

Veciño de Ourol.

Xefe local da Falanxe en Ourol.

Represor.

As Casabella eran labregas e vivían no Candedo, Santa María de Ourol, Ourol (Lugo). Eran Felicitas Casabella Fernández, María-Josefa Casabella Fernández e a nena Encarnación Casabella Fernández.

Na casa da familia Casabella agochábase o fuxido Alejandro Temblás Paz. Un veciño, que estaba nun velorio nunha casa veciña, avisou aos represores da estadía de Temblás nesta casa.

Estas tres mulleres finaron asasinadas polos falanxistas e a Garda Civil en Candedo, o día 16/04/1938, na súa propia casa.

Semella que a cabeza de Alejandro Temblás tiña unha recompensa de 100.000 pesetas.

Nesta orxía de sangue participaron como verdugos, entre outras persoas, Antonio Ladra (alcalde de Ourol), Emilio Bouza (xefe local de Falanxe), Eugenio Areas Casal, o Areas (axustizado pola guerrilla antifranquista o 17/03/1949), e Guillermo Novo, o Roque, (axustizado pola guerrilla o 03/04/1949).

Queimaron a casa, mataron o gando e foron cear un cabrito, que les roubaron, na taberna de Xan Blanco.