Comesaña Pérez, Antonio

Empregado, 32 anos. Casado con Carmen Rodríguez, a Masada; tiveron dous fillos varóns. Veciños do Cruceiro, Santa Baia de Alcabre, en Vigo. Eran nove irmáns e a un deles, José Comesaña Pérez, paseárono con el; á súa irmá Cecilia Comesaña Pérez, denigrárona. Ao seu medio irmán por parte de pai, Emilio Comesaña Sobreira, tamén o pasearon o mesmo día que a el e a José. Antonio era almacenista.

Contador da Sociedade de Labregos de Alcabre.

Paseado.

Cando se produce o golpe dos militares sublevados participou con, entre outras persoas, o seu irmán José Comesaña Pérez, o seu medio irmán Emilio Comesaña Sobreira e Fernando Costas Iglesias, na requisa de armas para a defensa da República. Paseáronos aos catro no mesmo día.

O día 06/10/1936 un grupo de falanxistas e gardas civís e un cura sacaron a seis persoas da prisión do frontón da rúa María Berdiales, en Vigo, leváronos a Vincios e asasináronos en dous grupos; tres morreron en Pasaxe (José Comesaña Pérez, Antonio Comesaña Pérez e Emilio Giráldez Rodríguez) e outros tres en Bichicáns, Vincios (Emilio Comesaña Sobreira, Fernando Costas Iglesias e Manuel Villar Cimadevilla).

Soterráronos a todos no cemiterio de San Vicente de Mañufe, Gondomar.

Morte rexistrada en Gondomar a causa de feridas producidas por disparos de arma de fogo.