Dios González, Eugenio

Mecánico, 29 anos. Solteiro. Veciño de Bueu (Pontevedra). Encargado na fábrica de conservas de Antonio Alonso.

Militante da UXT, do PSOE e presidente do Sindicato Metalúrxico de Bueu.

Encarcerado. Sancionado. Morte na cadea.

O día 03/09/1936 detiveron por reunión clandestina aos sindicalistas: Salvador Barreiro Cestay, mariñeiro; José Bernárdez Santaclara, zapateiro; Eugenio Dios González, mecánico; Jesús Malvido Menduiña, carpinteiro; Francisco Padín Novas, mariñeiro; Manuel Pais Refojos, mecánico, e José Rivero Novas, zapateiro.

Xulgado en consello de guerra en Pontevedra, o día 22/12/1936, polo delito de adhesión á rebelión co resultado de sentenza a cadea perpetua e a inhabilitación absoluta.

Pena ordinaria conmutada pola comisión de exame de penas de Pontevedra.

Ingresado na Colonia Penitenciaria da Illa de San Simón, Redondela (Pontevedra).

Trasladado ao penal de San Cristóbal, onde ingresa o 16/05/1937; morte rexistrada nesta cadea no desenvolvemento do intento de fuga masiva dos presos deste penal; morto a mans da forza pública encargada da súa captura. Semella que xa estaba moi enfermo por mor da tuberculose.