Domínguez Díaz, Piedad

O día 11/06/1934 casou polo civil en Xove co tipógrafo e político Agapito García Atadell, executado. Veciños da rúa Bravo Murillo, 25, en Madrid. Persoa conservadora e moi relixiosa, no que contrasta co seu home.

O seu home era membro da UXT e da Agrupación Socialista (AS) de Madrid; pasouse ao PCE e, no ano 1928 volveu á AS; formou parte da escolta armada de Indalecio Prieto Tuero na campaña electoral de 1936.

Exiliada.

No desenvolvemento da guerra civil a Agapito nomeárono xefe das Milicias Populares de Investigación. Instalaron unha checa de 48 axentes no Pazo dos Condes de Rincón, en Madrid; practicáronse numerosas detencións e rexistros domiciliarios; estas milicias practicaron unhas 800 detencións, recadando grandes sumas de cartos, xoias e obras de arte.

No mes de outubro de 1936 o matrimonio deixa Madrid cara a costa alicantina e o 12/11/1936 embarcan en Santa Pola con destino a Marsella (Francia) e o seguinte 19 embarcaron no Mexique e prendéronos en Santa Cruz de la Palma. A Piedad obrigárona a proseguir a viaxe a Cuba, sen documentación, e ao seu home executaríano os fascistas o día 15/07/1937 en Sevilla.

En febreiro de 1937 regresa a Francia, onde casa pola Igrexa, en artículo mortis, con Agapito. En maio de 1956 volve á provincia de Lugo e instalouse en Mondoñedo.