Donega Rozas, Marino

Avogado, escritor e político, 20 anos. Aos sete meses de vida chega a Lugo. Estudaba 2º de Dereito en 1936 na Universidade de Santiago de Compostela (USC). Xa mozo, trasladáronse á Coruña.

Presidente da Federación das Mocidades Galegas na Coruña no ano 1936. Amigo dos galeguistas Ángel Fole Sánchez e Ramón Piñeiro López.

Participou naa campaña polo referendo do Estatuto de Autonomía de Galicia (EAG).

Fuxido.

Cando se produce o golpe militar ten que fuxir da Coruña para Lugo, xa que estaba nas listaxes dos que daban o paseo ás persoas das esquerdas, coa sorte de que tiñan os apelidos trabucados.

Despois incorporouse na Sanidade do exército sublevado para evitar represalias; era máis seguro estar na fronte de guerra.

Foi un dos fundadores da Editorial Galaxia no ano 1950 e o seu presidente entre 1950 e 1996.

Membro numerario da Real Academia Galega (RAG) desde 1973.

Tamén o designaron conselleiro de Cultura da Xunta de Galicia no ano 1978. Presentouse como independente nas eleccións de 1981 polas listas de Unión del Centro Democrático (UCD).