Gago Gago, Constantino

Pasteleiro, 36 anos. Casado; tiñan tres fillos. Veciños de Verín.

Membro da Agrupación Socialista (AS) de Verín e da UXT.

Encarcerado.

Despois do golpe de Estado detivérono os fascistas en Celanova (Ourense) o día 21/10/1936 e ingresárono na Prisión Provincial de Ourense.

Xulgado en consello de guerra en Ourense o día 21/05/1937 polo delito de rebelión militar, na causa 1021/36, co resultado de sentenza a cadea perpetua.

O tribunal deste procedemento condenou á pena de morte a: Juan-Antonio Álvarez Diéguez, Lino García Vázquez e Carlos Reino Caamaño; penas de cadea perpetua para: Celso Blanco Castro, Manuel Cabido Rodríguez, Manuel Cadavid García, Enrique-José Cardoso Gandosa, Constantino Gago Gago, Ricardo González González, Adolfo Iglesias Rodríguez, Manuel Iglesias Rodríguez, Ramón Quintas González, Gerardo Rodríguez Barja, Manuel Sola Pareja e Francisco Vaz Álvarez; pena de 20 anos de cadea para Pedro-José Justo Castro; castigos de 15 anos de prisión para: Gregorio Barreira Martínez, José Pérez Delgado e José Sola Pareja; ditaron autos de sobresemento para: Vicente Astorga Raya, Antonio Hervella Prieto, Manuel López García, Luis Parada Fernández, Juan Rodríguez Rodríguez, Ramón Romero Gago, Emilio Seoane Cadavid e Manuel Seoane Cadavid; asinaron a absolución para: Eduardo Gago Fernández e Sergio Pérez Díaz; declararon fuxidos a: José Álvarez, Manuel Álvarez Losada, Francisco Castro Puente, Aurelio García, José García, Manuel Justo, Máximo López García, José Perdiz Varela, Manuel Prieto Lorenzo, Manuel Rivero, Juan-Antonio Rodríguez, Álvaro Rodríguez Feijoo, Antonio Rodríguez García, Sergio Romero Álvarez e Carlos Silva. Tamén enxuizaron neste procedemento a: Julio Cao Cao, José Dobarrio Lorenzo e Avelino Sola Castro.

Ingresárono na Prisión Central de Celanova o día 20/03/1939 procedente da prisión de Ourense.

Pena ordinaria conmutada pola comisión de exame de penas de Ourense.