García Villanueva, Francisco

Albanel e político, 24 anos. Veciño do Valado, San Martiño de Fóra, Bueu.

Concelleiro de Bueu en 1936. Dirixente das Xuventudes Socialistas (XXSS).

Paseado.

Cando se produce o movemento militar sedicioso participou na expedición que tentou acudir na defensa de Pontevedra fronte aos rebeldes.

Prendérono o día 31 de xullo de 1936 por insultar aos traballadores da fábrica Massó.

Xulgado en consello de guerra en Pontevedra o día 18/09/1936 por coaccións, na causa 768/36, co resultado de sentenza de absolución.

Tentaron pasealo pero logrou fuxir con vida.

Prendérono e na madrugada do día 07/12/1936 sacárono da cadea para pasealo.

Morte rexistrada nun suposto traslado de cadea a causa de disparo de arma de fogo.

Nesa noite de decembro pasearon a: Julio Castro Martínez, albanel; Francisco Escáneo Franco, industrial; Francisco García Villanueva, Xerello, albanel; Jacinto-Manuel Lamosa Novas, serrador, e José Seijas Camiña.

Estas cinco mortes xustificáronas os represores do escuadrón da morte de Collazo como un intento de fuga, ao que, “loxicamente”, se lle aplicou a Lei de Fugas.

O seu cadáver e o de José Seijas apareceron preto do matadoiro de Marín.