Lafuente Rodríguez, Ramón

Mecánico, 29 anos. Veciño da rúa Fonte do Monte, en Ourense.

Militante do PCE e organizador das sociedades agrarias da contorna ourensá. No ano 1936 era o presidente da Casa do Pobo en Ourense e secretario do Comité Local da Fronte Popular (FP).

Detido en Ourense nas eleccións de 1933 por coaccións.

Fuxido. Exiliado.

Cando se produce o movemento sedicioso organizou unha partida de resistentes nos montes do antigo concello de Canedo (Ourense). Foxe da represión e xulgárono en rebeldía.

Xulgado en consello de guerra en Ourense polo delito de rebelión militar, na causa 188/36, co resultado de ser declarado fuxido e en rebeldía.

O tribunal deste proceso ditou auto de sobresemento para: Eduardo Campo Ojea, Baldomero Iglesias Rey, Eugenio López Pereira, Ramón Luaces Pavón, Manuel Pérez Ojea e Antonio Rey Saco; ditaron auto de absolución para: Salvador Crespo Fernández, Emilio Fernández González e Serafín Iglesias; declararon fuxidos a: Ramón Lafuente Rodríguez, José López Blanco e Celso Vila Rodríguez.

Despois do golpe militar organizou unha partida de resistentes nos montes do concello de Canedo (Ourense) e máis tarde nos montes de Chantada (Lugo).

No ano 1937 pasa a Portugal coa axuda de Luis Soto Fernández; alí dirixe un grupo guerrilleiro con base en Cambedo da Raia, Chaves (Portugal).

No ano 1941 abríronlle un expediente de responsabilidades políticas e indultárono no ano 1958.