Martínez Fernández, María

Corseteira, 53 anos. Solteira. Veciña da rúa Benito Corbal, en Pontevedra. Modista corseteira. Irmá de Arturo Martínez Fernández, Aurora Martínez Fernández, Nieves Martínez Fernández e Nicereta Martínez Fernández e tía de Peregrina Martínez Santos (filla do seu irmán Arturo); a todas estas persoas encarceráronas e sancionáronas.

Despois a folga xeral revolucionaria de outubro de 1934 as irmás Martínez Fernández foron un forte apoio das persoas ás que prenderan por estes feitos.

Intermediaria do Socorro Rojo Internacional (SRI).

Encarcerada. Sancionada.

O día 26/07/1936 detivérona coas súas irmás e acusáronas de levar roupa, comida, tabaco e correspondencia ás persoas detidas na Escola Normal de Pontevedra polos feitos que seguiron á revolta dos militares sublevados.

Agás a súa irmá Nieves, o resto das irmás permaneceron na cadea desde o 26/07/1936 ata o día 25/10/1937 sen ser procesadas. Para acadar a liberdade tiveron que facer fronte ao pago dunha multa de 1000 pesetas cada unha delas.

Sempre serían tachadas de “rojas”.

No mes de marzo de 1938 ás irmás María, Aurora e Nicereta, á súa sobriña Peregrina e a María Fandiño Estévez, procesáronas, na causa 379/38 acusadas de agochar armas (que non se atoparon) para a resistencia antifranquista, co resultado de sentenza de sobresemento no mes de xullo de 1938.