Moreda Vázquez, Constante

Barbeiro e gaiteiro, 45 anos. Veciño do barrio do Sello. O seu pai, Manuel Moreda Outeiral, os seus irmáns Alfonso Moreda Vázquez e José Moreda Vázquez, e o seu sobriño Lenin Moreda Vázquez, morreron durante a represión.

Era propietario de varias barberías e un afamado gaiteiro; no ano 1928 formaba parte do cuarteto Airiños de Cabral, sendo a súa última actuación o día 18/07/1936, nas festas de Santa Mariña de Cabral, xa formando no grupo Os Morenos de Lavadores.

Militante do PCE.

Executado.

Participou na resistencia fronte aos golpistas nas barricadas de Lavadores, onde se rexistra a morte do seu sobriño Lenin.

Xulgado en consello de guerra en Vigo polo delito de rebelión militar (acusado do asalto á casa de Estanislao Núñez Barrios, ao que matan no enfrontamento), na causa 539/36, co resultado de sentenza á pena de morte.

Neste xuízo condenaron á pena de morte a: Manuel Moreda Outeiral, Constante Moreda Vázquez, José Moreda Vázquez, Urbano Rodríguez Moledo e Antonio Sayar Carrera.

Morte rexistrada en Vigo por mor dunha hemorraxia interna.

Fusilárono os franquistas ás 08:00 h no Monte do Castro, en Vigo.

Nesta data e lugar asasinaron a: Manuel Moreda Outeiral, xornaleiro, e os seus fillos Constante Moreda Vázquez, contratista de obras, e José Moreda Vázquez, contratista de obras. Tamén morreron Manuel Acuña Gómez, pintor; Fernando Costas Méndez, carpinteiro; Luis Ferreira Viéitez; José González Andreu, zapateiro; Luis Martínez Román, albanel; Manuel Núñez Álvarez, panadeiro; Urbano Rodríguez Moledo, empregado e xornalista, e Antonio Sayar Carrera, labrego.