Nogueira Calviño, Angelina

Casou co militar e guerrilleiro Amador Domínguez Pan, Jaime Pimentel; tiveron un fillo. O seu home fora mariño da Armada, cabo de mariñeiría no acoirazado España e militante da CNT.

Vítima colateral.

Despois do alzamento militar Amador estivo na cadea e sabendo que ía ser desterrado a Lugo ao saír da prisión, agochouse en Bergondo (A Coruña) na casa da súa entón moza Angelina Nogueira Calviño, coa acabaría por casar.

Anos despois Amador Domínguez adicouse a organizar os grupos que operaban nos Castros e San Pedro de Nós, en 1945 era o responsable do Destacamento Arturo Cortizas, que realizaba as súas accións na zona de Ortigueira e Ferrol. Con posterioridade, tamén no ano 1945, Jaime Pimentel integrouse no novo Destacamento Enrique Líster, do que foi o primeiro xefe militar, mando que compartía con Francisco Rey Balbís, Moncho. Ocupaban as zonas de Betanzos, As Mariñas e A Coruña; na primavera de 1946 formou parte do Grupo Volante A Mariña, da IV Agrupación do Exército Guerrilleiro de Galicia (EGG), que comandaba Francisco Rey Balbís, Moncho; despois desenvolveuse como adxunto de Marrofer.

Amador Domínguez abandonou o destacamento o día 21/07/1947 sen avisar aos compañeiros para tentar marchar de España cara América, converténdose así en proscrito dos represores e dos guerrilleiros; apresárono na casa do enlace Jesús Pena Bolón, en Calvelo, San Salvador de Sofán, Carballo (A Coruña) o día 18/08/1948, xulgárono, condenárono á pena de morte e agarrotárono na Coruña o día 25/01/1949.