Rioboo Llobera, Ruperto

Militar. Comandante de Infantería. Destinado na VII División Orgánica, en Valladolid.

Tiña ideas republicanas.

Morte en enfrontamento.

Ao comezar a guerra Nicolás Molero Lobo era xeneral de división e dirixía a VII División Orgánica, onde Rioboo era o seu axudante de campo.

Na noite do 18 de xullo os militares rebeldes dirixidos polos xenerais Andrés Saliquet Zumeta e Luis-Miguel Limia-Ponte Manso de Zúñiga, fixéronse co control das forzas militares despois de arrestar a Molero en Capitanía na madrugada do día 19, xa que, fiel á República, negárase a unirse aos sublevados. No tiroteo que se produce no arresto de Molero, a este ferírono; aos seus axudantes, os comandantes Ángel Liberal Travieso e Ruperto Rioboo Llobera, tamén os feriron e morreron días despois.

Rioboo Llobera, ao darse conta da traizón de Saliquet, foi quen comezou o tiroteo contra os rebeldes.

Nalgunhas fontes aparece como Llovera.