← Volver atrás

Varela Bouza, José

Alcume: Pepe o Lobo
Perfil histórico: Vítima da represión

Datos persoais

Situación: Encarcerado. Morte en enfrontamento

Nacemento:

Bañobre, Santa María de Castro, Miño
(A Coruña)
- 01/01/1910 ? No caso de non coñecer o día e o mes de nacemento, estableceuse o 01/01

Morte:

San Pedro de Perbes, Miño
- 29/03/1938 ? No caso de non coñecer o día e o mes da morte, estableceuse o 01/01

Biografía

Mariñeiro, labrego e político, 26 anos. Casado con Manuela López Cabana, procesada por auxilio á rebelión; tiñan dous fillos. Veciños de Bañobre. Irmán de Amelia Varela Bouza, encarcerada, e de Juan Varela Bouza, fuxido e logo encarcerado.

Afiliado á CNT e do PCE de Miño.

Acusado de ser o executor do incendio da Igrexa de Santa María de Castro o día 10/04/1936 xunto co seu irmán Juan.

Encarcerado. Morte en enfrontamento.

Abríronse varias causas contra el e prendérono despois do alzamento militar.

Xulgado en consello de guerra na Coruña o día 13/11/1937 polo delito de adhesión á rebelión militar, na causa 921/37, co resultado de sentenza á pena de morte segundo resolución do día 18/11/1937.

Preso no Castelo de San Antón, na Coruña.

Na agarda do cumprimento da súa condena foxe o día 28/01/1938 con Felisardo Brandariz Souto. Serrou os barrotes do presidio cunha lima que lle fixera chegar a súa dona no medio dunha barra de pan; saltaron sobre as 19:00 h desde una fiestra. José é o primeiro en saír, a Felisardo cólleno os gardas, que o fusilaron xunto co seu pai. Pepe tirouse ao mar, cruza a ría coruñesa e logrou chegar a nado á praia do Naval, en Oleiros (A Coruña).

Agochouse preto da súa casa de Bañobre pero descubrírono os falanxistas e a Garda Civil.

Acubillouse no estaleiro de Campos con José-María Blanco Barros, Violín, e Francisco Rodríguez Maroño, Xorcar. Unha partida de falanxistas e da Garda Civil foron a por eles o día 29/03/1938 e tiráronlles bombas incendiarias. Ferido, José puido escapar pero seguíronlle o rastro polo sangue que deixaba e queimárono cando se agochaba nunha palleira á que lle puxeron lume, en Perbes. Os seus compañeiros xa morreran no anterior enfrontamento.

Xulgado en consello de guerra na Coruña pola fuxida da prisión, na causa 93/38, con Felisardo Brandariz Souto.

Á súa dona arrestárona e procesárona por auxilio á rebelión, ingresárona en Saturrarán, Mutriku (Guipúscoa) e cando quedou en liberdade exiliouse en Brasil.

Axúdanos a mellorar

Titular do sitio web: Comisión pola Recuperación da Memoria Histórica da Coruña. Finalidade: Procesar, xestionar e responder ás solicitudes de información ou comunicacións realizadas a través deste formulario. Base xurídica: Consentimento do usuario ao usar a ferramenta. Destinatarios: Os datos que me envías almacénanse nos servidores de Lucushost. Podes consultar a súa política de privacidade aquí. Dereitos: Podes acceder, rectificar e suprimir os teus datos. Consulta a nosa política de privacidade.

Envía unha nova ficha

Titular do sitio web: Comisión pola Recuperación da Memoria Histórica da Coruña. Finalidade: Procesar, xestionar e responder ás solicitudes de información ou comunicacións realizadas a través deste formulario. Base xurídica: Consentimento do usuario ao usar a ferramenta. Destinatarios: Os datos que me envías almacénanse nos servidores de Lucushost. Podes consultar a súa política de privacidade aquí. Dereitos: Podes acceder, rectificar e suprimir os teus datos. Consulta a nosa política de privacidade.