Bernárdez Santaclara, José

Mariñeiro, zapateiro, futbolista, poeta e sindicalista, 30 anos. Casou en 1931 con Alcira Palmeiro Arosa; tiveron cinco fillas. Veciños da Canceliña, en Bueu. De mozo traballou como mariñeiro, ata que o deixou por problemas da columna e pasou a ser zapateiro. Nos anos vinte foi xogador da selección galega.

Militante da UXT e conselleiro e secretario da sociedade El Adelanto Marinero. Mediador sindical. Concelleiro de Bueu.

Encarcerado. Sancionado.

Cando se produce o golpe militar detivérono os rebeldes.

O día 03/09/1936 detiveron por reunión clandestina aos sindicalistas: Salvador Barreiro Cestay, mariñeiro; José Bernárdez Santaclara, zapateiro; Eugenio Dios González, mecánico; Jesús Malvido Menduiña, carpinteiro; Francisco Padín Novas, mariñeiro; Manuel Pais Refojos, mecánico, e José Rivero Novas, zapateiro.

Xulgado en consello de guerra en Pontevedra polo delito de adhesión á rebelión, o día 22/12/1936, co resultado de sentenza a cadea perpetua e accesoria de inhabilitación absoluta segundo unha resolución do día 22/12/1936.

Ingresado na Colonia Penitenciaria da Illa de San Simón, Redondela (Pontevedra).

O día 16/05/1937 ingresou no Forte de San Cristóbal, Pamplona (Navarra).

O día 01/03/1939 enviárona á Prisión Central de Cuéllar (Segovia).

O día 05/09/1940 pasou a prisión atenuada e, en decembro de 1942, conmutáronlle a pena na comisión de exame de penas de Pontevedra pola de catro anos de prisión menor.

Deixárono en liberdade o día 05/12/1943.