García Diéguez, Benjamín

Labrego, 21 anos. Veciño de Barbeitos.

Fuxido. Executado.

Durante a guerra civil desertou do Terzo e escapou ao monte para que non o mobilizaran.

Formou un grupo de fuxidos nada máis comezar a guerra civil, que actuaba na zona da Serra do Faro, entre Rodeiro e Lalín, con Ramón Sánchez, Areán, desertor da Armada.

Mantiñan contactos co grupo de Salvador Valcárcel Montenegro, Recarei. Adicábanse a dar pequenos golpes para sobrevivir, ata que se viron implicados en varias mortes.

A Garda Civil intensificou as súas actuacións para capturalos; preméronos detendo aos pais de Benjamín e a muller e a filla de Ramón, aos que soltaron diante da inutilidade do intento.

Ferido nunha perna e apresado nun enfrontamento coa Garda Civil o día 05/11/1939 na Ponte, San Xiao de Pedroso, Rodeiro, onde morre o sarxento da Garda Civil José García Docampo. Os seus compañeiros Ramón Sánchez, Areán, e Salvador Gil Moure, o Carolo, lograron fuxir. Ramón morrería dous anos despois e Salvador, que fuxira ferido, tamén caeu uns anos máis tarde.

Xulgado en consello de guerra en Vigo polo delito de asasinato e atraco a man armada, na causa 249/39, co resultado de sentenza á pena de morte.

Executado en Vigo.