Mateo Vázquez, Julián

Labrego, 36 anos.

Fuxido.

Enlace da guerrilla, unha vez que o descubriron foxe ao monte a primeiros dos corenta e formou parte do grupo de Mario Rodríguez Losada, Mario de Langullo.

Incorporouse á III Agrupación luguesa do Exército Guerrilleiro de Galicia (EGG), que mandaba José-Luis Castro Veiga, o Piloto, ben entrada a década dos corenta. Con el incorporáronse Gregorio-Adolfo Cenitagoya González, José Pardo Rodríguez, Maximino Rodríguez Pérez e Julio Fernández Rodríguez.

No ano 1949 encartárono con outros fuxidos nun proceso xudicial, na causa 318/49, por auxilio a bandoleiros e por encubrir a grupos armados.

Xulgaron neste procedemento a: Julián Mateo Vázquez, Carmen Rodríguez Nogueira e Ermitas Vega Casanova.

Prendérono as forzas represoras.

Xulgado en consello de guerra o día 25/10/1954 en Lugo con outras persoas, na causa 71/53, acusado de participar en varios atracos e nas execucións en San Paio, San Miguel de Mones, Petín (Ourense), o día 09/04/1947, de Sergio Corzo Vega e a súa muller Aurelia Pérez Gallego, Rogelio Trincado Trincado, José Rodríguez, Antonio Pérez Gallego e Julio Rodríguez; na do falanxista e cabo da Garda Civil Domingo Enrique Rodríguez en Santa María de Boazo, A Teixeira (Ourense); na de Ramon Crespo Feijoo, en Aguil, San Xoán de Poboeiros, Castro Caldelas (Ourense), o día 15/04/1947; e na de Santiago Blanco Gómez e a súa dona Aurea Vicente García en Sesmil, Santa Isabel da Enciñeira, Quiroga (Lugo). O fiscal solicitou para el a pena de morte.