Prol Figueiro, José

Mariñeiro e sindicalista, 22 anos. Veciño do Grove. Mariño da Armada.

Participou nos sucesos do Arsenal de Cartagena (Murcia) en agosto de 1934, cando era cabo, polo que o condenaron a dez anos de cadea polo delito de sublevación. Interno no Arsenal de Cartagena, tentou a fuxida con outros compañeiros de condena.

Foi un dos fundadores das Xuventudes Libertarias (XXLL) do Grove. Militante da CNT e líder do Sindicato da Industria Pesqueira (SIP) no Grove.

Executado.

Despois do golpe militar detivérono os fascistas.

Xulgado en consello de guerra en Pontevedra, o día 16/11/1936, polo delito de rebelión militar co resultado de sentenza á pena de morte.

Neste procedemento xulgaron: Jacobo Barral Otero, mestre; Ángel Cadavid Caamaño, médico; Jacobo Otero Goday, médico; Miguel Mandías Merino, pintor; José Prol Figueiro, mariñeiro, e Manuel Puente Iglesias, funcionario.

Ingresado na Colonia Penitenciaria da Illa de San Simón, Redondela (Pontevedra).

A José fusilárono os golpistas no quilómetro 1 da estrada de Campañó, en Pontevedra.

Ese día 2 de decembro executaron ás 07:30 h, no quilómetro 1 da estrada a Campañó, as seguintes persoas: Ángel Cadavid Caamaño, médico; José-Gabriel Cespón Pazos, zapateiro; José Crespo Torres, funcionario Manuel Dios Costado, albanel; Joaquín Fernández Barcia, carpinteiro; Eduardo-Emilio Muíños Búa, mestre; José Prol Figueiro, mariñeiro; Manuel Puente Iglesias, funcionario, e Manuel Vázquez Cruz, mecánico.