Sayar Carrera, Antonio

Labrego, 26 anos. Casado. Veciño de San Cristovo de Candeán, en Vigo.

Executado.

Xulgado en consello de guerra en Vigo polo delito de rebelión militar (acusado do asalto á casa de Estanislao Núñez Barrios, que morreu no enfrontamento), na causa 539/36, co resultado de sentenza á pena de morte.

Neste xuízo condenaron á pena de morte a: Manuel Moreda Outeiral, Constante Moreda Vázquez, José Moreda Vázquez, Urbano Rodríguez Moledo e Antonio Sayar Carrera.

Ingresado na Colonia Penitenciaria da Illa de San Simón, Redondela (Pontevedra).

Fusilárono os golpistas ás 08:00 h nas inmediacións do Monte do Castro, en Vigo.

Nesta data e lugar fusilaron a: Manuel Moreda Outeiral, xornaleiro, e os seus fillos Constante Moreda Vázquez, contratista de obras, e José Moreda Vázquez, contratista de obras. Tamén morreron Manuel Acuña Gómez, pintor; Fernando Costas Méndez, carpinteiro; Luis Ferreira Viéitez; José González Andreu, zapateiro; Luis Martínez Román, albanel; Manuel Núñez Álvarez, panadeiro; Urbano Rodríguez Moledo, empregado e xornalista, e Antonio Sayar Carrera, labrego.