Bautista Aznar-Cabañas, Juan

Militar e político, 73 anos cando finou. Veciño da rúa Serrano, 28, Madrid. Veterano das campañas de Cuba e Marrocos. Almirante. No ano 1928 era o capitán xeneral da Armada Española.

Opúxose ao golpe de Estado de Miguel Primo de Rivera Orbaneja.

En febreiro de 1931 propugnárono para substituír, por dimisión do día 14/02/1931, ao xeneral Dámaso Berenguer Fusté como xefe do que sería o último Goberno da monarquía de Alfonso XIII, cargo que asumiu e no que permaneceu ata a proclamación da II República.

Presidiu un Goberno de concentración monárquica no que Dámaso Berenguer Fusté asumiu a carteira de Guerra. Neste Goberno o ex-presidente Manuel García Prieto ocupou a carteira de Xustiza e Culto.

Despois das eleccións municipais do día 12/04/1931, había ministros do seu Goberno que querían resistirse a creación da República e falaban incluso de recorrer, para evitalo, á Garda Civil. O xeneral Jose Sanjurjo Sacanell, ao mando desta institución, coñecendo os resultados electorais negouse a tal pretensión.

Alfonso XIII abandonou España por decisión propia e o día 14/04/1931 proclamouse a II República.