Cedrón Gómez, Guillermo

Viaxante de comercio, mestre e político, 54 anos. Veciño da rúa Sinforiano López, 115-3º, en Ferrol. Home de negocios na Habana (Cuba), volveu a Galicia no ano 1917 e estableceuse na Coruña.

Militante do PCE, presidiu o radio comunista de Ferrol. Delegado na Federación Comarcal da UXT en Ferrol. Candidato polo PCE nas eleccións de novembro de 1933. Afiliado á Liga Nacional Laica.

Membro das Irmandades da Fala.

Despois da folga xeral revolucionaria de outubro de 1934 prendérono o día 10/10/1934.

Paseado.

Detivérono os fascistas.

Inculpado nunha causa militar en Ferrol co resultado de ser posto a disposición da autoridade gobernativa e mandárono á cadea. Cando o sacaron da cadea con outras catorce persoas coa desculpa de localizar agochos de armas, os represores sinalaron que tentaron a fuga preto de San Felipe; dez foron asasinados.

Morte rexistrada en Ferrol a mans da forza pública franquista na aplicación da Lei de Fugas.

Asasinado no cemiterio de Canido.

Segundo a versión oficial morreron nun intento de fuga, pero realmente pasearon en Canido o día 18/08/1936 a: Guillermo Cedrón Gómez, comerciante; Antonio Fernández Mourente, mecánico; Manuel González Díaz, empregado; Felipe Hermida González, funcionario; Ramón Hermo Miranda, militar; Andrés Iglesias Garrote, militar; Venancio Pérez Blanco, empregado; Carlos Pérez Fachal, electricista; Mario Rico Cobas, caldeireiro e escritor, e José Rico Torrente, militar.

Procesado no ano 1940 polo Tribunal Especial para a Represión da Masonería e o Comunismo.