Cid Rodríguez, Julio-Manuel

Labrego e político, 28 anos. Solteiro. Veciño de Santa María de Corvillón, A Merca (Ourense) e, posiblemente, con residencia temporal en Lugo no ano 1936.

Executado.

Cando se produce o golpe dos militares rebeldes prendérono o día 20/07/1936 e ingresárono na Prisión Provincial de Lugo.

Xulgado o día 28/08/1936 en consello de guerra en Lugo polo delito de rebelión militar (tenencia de explosivos), na causa 168/36, co resultado de sentenza á pena de morte. Neste xuízo xulgaron a varios veciños de Paradela.

Condenaron á pena de morte a: Juan Abella Armesto, Julio-Manuel Cid Rodríguez, Manuel Díaz Díaz, Pablo Díaz López, Valentín López García, Benigno López López, José López López, Orencio López López, Manuel López Rodríguez, José López Yáñez, Manuel Pérez González, Ramiro Rodríguez Gutiérrez e Pedro Rodríguez Rodríguez. Penas de cadea perpetua para: Ramiro Bande López, Higinio López López, Cándido López Pena, José López Pena, Jesús López Varela, Ramón López Varela, Manuel Rodríguez López e Antonio Rodríguez Rodríguez. 20 anos de prisión: Julio Fernández Incógnito, Domingo López Arias e Pegerto López López. Castigaron a 15 anos a Francisco López González. Á pena de 12 anos condenaron a: Francisco López López, Manuel López López e Enrique Rodríguez Díaz. A Ángel López Iglesias penárono a seis anos. A sentenza declarou absoltos a: Manuel Abella Armesto, Emilio López Moure, Leonardo López Rodríguez, Manuel López Vázquez e Marcelino Vázquez Díaz.

Fusilado nas tapias do cuartel da Garda Civil en Lugo.