Costoya Ares, Antonio

Carpinteiro, 30 anos. Solteiro. Veciño de Silleda.

Concelleiro de Silleda no ano 1936 pola Fronte Popular (FP).

Encarcerado. Morte na cadea.

Despois do golpe dos militares rebeldes constitúese o Comité de Defensa da República, no que se integran, entre outras persoas: Emilio-Deogracias Alonso Paz, industrial; Antonio Costoya Ares, carpinteiro; Daniel Sánchez Mallo, barbeiro, e Antonio Valladares González, axente comercial. Moitos obreiros súmanse á resistencia fronte aos golpistas e o día 20 de xullo incáutanse armas e unha columna de milicianos sae cara Pontevedra; tiveron que regresar e arrestounos a Garda Civil.

Xulgado en consello de guerra en Pontevedra polo delito de rebelión militar co resultado de sentenza a cadea perpetua.

Ingresado na Colonia Penitenciaria da Illa de San Simón, Redondela (Pontevedra) o día 13/10/1936.

Trasladado ao penal de San Cristóbal, onde ingresa o 15/07/1937. Morte rexistrada neste penal no decorrer do intento de fuga masiva desta cadea despois de que o prenderan os requetés en Juslapeña (Navarra).

Procesárono no Tribunal Rexional de Responsabilidades Políticas da Coruña e indultárono no ano 1960.

En certas fontes aparece co primeiro apelido Costoyas.