Valladares González, Antonio

Axente comercial, 17 anos. Solteiro. Veciño da rúa Pérez Galdós, 42, en Vigo (Pontevedra).

Militante do PSOE e da UXT.

Encarcerado. Morte na cadea.

Despois do golpe dos militares rebeldes constitúese o Comité de Defensa da República, no que se integran, entre outras persoas: Emilio-Deogracias Alonso Paz, industrial; Antonio Costoya Ares, carpinteiro; Daniel Sánchez Mallo, barbeiro, e Antonio Valladares González, axente comercial. Moitos obreiros súmanse á resistencia fronte aos golpistas e o día 20 de xullo incáutanse armas e unha columna de milicianos sae cara Pontevedra; tiveron que regresar e prendeunos a Garda Civil.

Xulgado en consello de guerra en Pontevedra polo delito de rebelión militar, na causa 524/36, co resultado de sentenza a cadea perpetua.

Ingresado na Colonia Penitenciaria da Illa de San Simón, Redondela (Pontevedra).

Trasladado ao penal do Forte de San Cristóbal onde ingresa o 16/05/1937. Foi un dos organizadores do intento de fuga masiva deste penal e un dos que morreu no desenvolvemento dos feitos, entre o 23 e 24 de maio, semella que en Belzunce ou Navaz.

Procesárono en Pontevedra por responsabilidades políticas e indultárono no ano 1959.