Garrido Pasandín, José

Carpinteiro, 55 anos. Veciño da Gándara. Pai de Eduardo Garrido Otero, executado, e de Manuel Garrido Otero, fuxido.

Membro dun sindicato campesiño da CNT.

Fuxido. Executado.

Realizou actividades na resistencia armada en contra do Réxime.

Os seus fillos Eduardo e Manuel desertaron do exército franquista. A José premeuno a Garda Civil para que informara do paradoiro do seu fillo Manuel.

O pai e os fillos fuxiron e estiveron agochados en Regueira de Ans (Oleiros) na casa de Andrea García Veiga e Encarnación García Veiga, ás que condenaron por este feito a oito anos e dez anos de prisión, respectivamente.

Xulgado en setembro de 1940 na Coruña polo delito de asasinato, na causa 711/39, co resultado de sentenza á pena de morte.

Executado na Coruña xunto ao seu fillo Eduardo, no Campo da Rata.

Ao pai e ao fillo acusáronos, xunto con Amador Domínguez Pan, Jaime Pimentel, e José Seijo Don, Seixo, de eliminar ao axente do Servizo de Información e Policía Militar (SIPM), José Barcia Rioboo, na Gándara, preto de Cambre (A Coruña). A Eduardo e ao seu pai prendéronos e executáronos.

Soterrárono o día 23 de outubro nun nicho no cemiterio de San Amaro, na Coruña.