López Cabado, Jesús

Camareiro e sindicalista, 35 anos. Casado. Veciños da rúa Ramón del Cueto, 43, na Coruña. Camareiro do Café Bar América.

Militante da Federación Anarquista Ibérica (FAI). Membro do Sindicato de Camareiros da Coruña, vencellado á CNT, onde foi presidente en 1936.

Executado.

Despois do golpe recollía cotizacións para soster aos fuxidos e acolleu na súa vivenda ao anarquista Jaime Baella Pérez.

Detido nas operacións da policía represora, que seguiron á aniquilación da cúpula da FAI, na coñecida como “Caída das Atochas” do día 10/07/1937.

Xulgado en consello de guerra na Coruña polo delito de rebelión militar, na causa 1007/37, co resultado de sentenza á pena de morte segundo resolución do día 30/10/1937.

Neste xuízo dítanse as seguintes condenas de pena de morte para: Jaime Baella Pérez, José Brandariz Ramos, Felisardo Brandariz Souto, Marcelino Calviño Pato, Ángel Fernández Fernández, Jesús López Cabado e Ricardo Martín González; cadea perpetua para Juan Aguiar Brandariz; 20 anos de cadea a: Juan Couzo Martín e Manuel Lantes Fernández; a Roberto Seoane Ferreño castigárono a 15 anos.

Pasárono polas armas os franquistas ás 06:00 h na Punta Herminia da Coruña.

Soterrárono o día 9 de marzo nunha fosa común no cemiterio de San Amaro, na Coruña, con Jaime Baella Pérez, José Brandariz Ramos, Felisardo Brandariz Souto, Marcelino Calviño Pato, Ángel Fernández Fernández, Ricardo Martín González e Cándido Sánchez Rodríguez.