Molina Navaza, Alfredo

Mariñeiro, 42 anos. Casado con Alicia Fariña Mesa; tiñan un fillo. Veciños da rúa da Galera, 31-4º, na Coruña. Barqueiro no porto da Coruña.

Socio do Casino Republicano. Militante da CNT.

Encarcerado. Sancionado.

Acusado polos franquistas de esquerdista, partidario da Fronte Popular (FP), afiliado á CNT e dado a "todo lo que vaya contra la autoridad".

Despois do triunfo da sublevación militar figuraba nos informes da policía represora como unha persoa perigosa. Noutro informe figura como unha persoa presa e posta en liberdade. Outro informe indica que está sen capturar.

Xulgado en consello de guerra na Coruña polo delito de adhesión e auxilio á rebelión, na causa 566/38, co resultado de sentenza a cadea perpetua segundo resolución do día 16/11/1938.

Neste procedemento condenaron a cadea perpetua a: Antonio González Doldán, Santiago Maquieira Mareque, Alfredo Molina Navaza e José Pacios Franco; pena de 20 anos de cadea para Basilisa Álvarez González; cárcere por 15 anos para Antonio Varela Peteiro e pena de prisión de 12 anos e un día para os irmáns: Jesús Peña Penelas e Manuel Peña Penelas.

En outubro de 1939 achábase na Prisión Provincial da Coruña.

Pena ordinaria conmutada pola comisión de exame de penas da Coruña.

Xulgado o día 22/06/1940, no expediente 249/40, polo Tribunal Rexional de Responsabilidades Políticas da Coruña co resultado de multa de 50 pesetas. No mesmo procedemento a Basilisa Álvarez González tamén a sancionaron con 50 pesetas de multa. A Molina Navaza indultárono no ano 1960.

Faleceu aos 50 anos por mor dunha anxina de peito.