Núñez Muñoz, Eligio

Mestre e político, 30 anos. Casado con Luz-Divina Trabazo Fontaíña, tamén mestra e coa que coincidiu en Cambeo; tiveron un fillo e unha filla: Horacio e Aida. Veciños de Ourense. Irmán de Martín Núñez Muñoz, quen se mantivo agochado durante o golpe militar e puido sobrevivir. Mestre por oposición desde 1928 e titular da escola de Santo Estevo de Cambeo, Coles (Ourense) desde abril de 1931.

Durante a II República militou na Asociación de Traballadores da Ensinanza de Ourense (ATEO) e colaborou na súa revista Escuela del Trabajo, da que no ano 1932 era o coordinador. Tamén colaborou en La República e Espartaco.

Militante do Partido Republicano Radical Socialista (PRRS), polo que se presentou como candidato ás eleccións á Cortes do ano 1933.

Paseado.

Cando se produce o golpe militar arrestárono os franquistas en Ourense cando ía coñecer á súa filla Aida, que acababa de nacer.

Déronlle o paseo os falanxistas e asasinárono na Arca Aberta, na antiga Nacional 120.

Nesa data e lugar pasearon a: Fructuoso Manrique Martín, carabineiro; Eligio Núñez Muñoz, mestre; Aquilino Sánchez Rodríguez, alcalde do Carballiño, e Jacinto-Eloy Santiago García, mestre e xornalista.

No momento do golpe a súa dona era mestra de Santa María de Louredo, Maside (Ourense) e sancionárona coa separación do servizo ata o ano 1942