Sánchez Rodríguez, Aquilino

Perito agrícola e político, 62 anos. Veciño do Carballiño. Traballou dde perito en Maside (Ourense) e foi propagandista agrario.

No ano 1921 fundou e dirixiu o xornal La Torre de Maside.

Dirixente da Sociedade Labrega da súa localidade.

Na II República militou no Partido Radical (PR) e despois en Esquerda Republicana (ER). Último alcalde republicano do Carballiño, nomeado o 19/04/1936, na substitución de Felisindo Álvarez Xesteira, ao que designaran presidente da Deputación Provincial de Ourense.

Procesado. Paseado.

Prendérono os fascistas o día 22/07/1936 e o 2 de agosto seguinte trasladárono a Ourense con Joaquín Losada Filgueira, paseado nos Codos de Larouco.

Levárono os falanxistas á cadea de Viana do Bolo (Ourense).

Xulgado en consello de guerra en Ourense nun proceso iniciado o día 15/09/1936 polo delito de adhesión á rebelión, na causa 781/36, co resultado de sentenza de absolución.

Pouco despois finaría asasinado polos falanxistas en Vilariño Frío na N-120 (hoxe OU-536).

Nesa data e lugar pasearon a: Fructuoso Manrique Martín, carabineiro; Eligio Núñez Muñoz, mestre; Aquilino Sánchez Rodríguez, alcalde do Carballiño, e Jacinto-Eloy Santiago García, mestre e xornalista.

Morte rexistrada en Arca Aberta por mor dun tiro na caluga.