Pereira Doval, Manuel

Político. Veciño de Zas.

Concelleiro de Zas nas eleccións municipais de 1936 por Unión Republicana (UR). Desenvolvía este cargo cando se produce o golpe de Estado.

Tiña como compañeiros na Corporación de Zas de 1936, entre outras persoas, a: Jorge Varela Rial (alcalde), encarcerado; José Ferreiro Pardiñas, encarcerado.

Nunha sesión do día 23/06/1936 levantouse acta para cesar ao secretario Emilio Osende Botana (+1956), por faltas moi graves, como desaparición de documentos, falta de depósitos non ingresados e desaparecidos, non abrir libros de contabilidade e sorprender a boa fe do alcalde coa sinatura de documentos que non correspondían. De aquí derivaron as vinganzas posteriores que se produciron neste concello.

Encarcerado.

A Pereira Doval encarcerárono nos primeiros tempos despois da sublevación sediciosa e, logo de saír do cárcere, comezou a traballar como enlace da guerrilla sen que a Garda Civil ou as autoridades franquistas detectasen a súa actividade clandestina. Esta colaboración, polo de máis, foi moi intensa e importante.

Xulgado no Tribunal Militar Territorial da Coruña con outros 68 veciños, o día 12/12/1947, na causa 200/47 e polo delito de “auxilio a malhechores”.

Para ver todos os procesados na causa 200/47 dirirxe á ficha de Alfredo Agra Blanco.

Na súa estadía en Santa María de Baio, Zas, Carmen Balboa López seguramente coñeceu a Manuel Pereira.