Pérez Martín, Joaquín

Militar, 20 anos. Veciño de Valladolid. Mariño da Armada, mariñeiro tripulante do vapor Dómine.

Executado.

Xulgado en consello de guerra en Ferrol (A Coruña) polo delito de suposta conspiración neste barco co resultado de sentenza á pena de morte.

Morte rexistrada no Val ao ser pasado polas armas polos franquistas.

Soterrárono nunha fosa común no cemiterio de Santa María a Maior do Val, onde están documentados 51 cadáveres de vítimas da represión franquista.

O vapor Dómine era o buque insignia da Compañía Trasmediterránea e, ao comezo da guerra, comisárono os militares sublevados nas Palmas de Gran Canaria e convertérono en transporte de tropas.

O día 30 de novembro fusilaron os seguintes tripulantes do vapor Dómine no cemiterio parroquial do Val, onde os soterraron: Vicente Navarro Mogollón, 21 anos, mariñeiro, de Zaragoza; Joaquín Pérez Martín, 20 anos, mariñeiro, de Valladolid; José Rial Rivas, 19 anos, mariñeiro, de Ourense; Francisco Bermejo Nicolás, 26 anos, cabo de artillería, de Murcia; Antonio Castellano Padilla, 27 anos, impresor, de Barcelona; José Miguel Soler, 31 anos, mariñeiro, de Alacante; Antonio Berenguer Galiart, 33 anos, cociñeiro, de Barcelona; Juan Fabregat Bort, 22 anos, marmitón, de Barcelona; Francisco Ortega Ballabrica, 26 anos, axudante de cociña, de Barcelona, e Manuel González Gutiérrez, 32 anos, mariñeiro, de Barcelona.